Ish-deputetja e Partisë Demokratike, Grida Duma vendosi t’i japë fund martesës 22-vjeçare me bashkëshortin, me të cilin ka edhe një djalë. Në emisionin “E Diell” në rubrikën “Këndi i së vërtetës”
përballë moderatorit Edi Manushi, Duma foli veçanërisht marrëdhënien me të birin.
Teksa sheh sesi djali i saj hedh shtat çdo ditë dhe ka hyrë në fazën e adoleshencës, Duma tregon se atij ka filluar t’i pëlqejë palestra dhe se nuk rri tërë kohës me iPad në dorë. “Më janë shtuar frikërat që po afrohen vitet që unë do të jem shumë më vetëm pa të”, ka rrëfyer me sinqeritet ajo.
“Nuk mund të jem shoqja e djalit tim sepse njeriu duhet të dijë distancën, ekuilibrin dhe rolet. Po e humbëm këtë, do të thotë se nuk mund ta guidoj. Unë shpresoj që të kem edhe ca vite që ta guidoj”, ka shtuar ish-deputetja
