Kryetarja e LSI-së, Monika Kryemadhi, e cila ndodhet në Itali, ka zhvilluar një takim pasditen e sotme me emigrantët shqiptarë që punojnë në Bolzano dhe rrethinat. Kryemadhi ka njoftuar në Fb se “sot do të jem në Bolzano në një takim me shqiptarët, vëllezër dhe motra, që jetojnë dhe punojnë në Itali.”
Kryemadhi e ka ndërmarrë këtë takim për të sensibilizuar më shumë qytetarët shqiptarë jashtë vendit për krizën e gjithanshme që po kalon vendi dhe aksionin e fuqishëm që ka ndërmarrë opozita për të larguar nga detyra kryeministrin Edi Rama.
