Partia Demokratike ka dalë në një deklaratë për media, një orë pas mbylljes së procesit zgjedhor në të gjithë vendin.
Sekretari për Zgjedhjet në PD, Ivi Kaso, deklaroi se pjesëmarrja totale në rang vendi është 15%, duke shtuar se mazhoranca ka nisur mbushjen e kutive të votimit.
“Pjesëmarrja totale në rang vendi është 15%. Po bëhet mbushja fiktive e listave të votuesve me emrat e emigrantëve. Paniku i Ramës nga braktisja dhe refuzimi popullor e ka shtyrë drejt manipulimit të numrit të votuesve.
As mbushja e kutive që po ndodh tani, as manipulimi nuk e shpëtojnë Ramën. Shqiptarët e kanë refuzuar”, tha Kaso.
