Prestigjiozja “The Sun” i ka kushtuar një tjetër artikull trafikut të drogës në Angli të organizuar nga bandat shqiptare. Sipas artikullit, bandat shqiptare kontrabandojnë dërgesa shumë të mëdha kokaine direkt nga Evropa dhe kanë ndryshuar tregun e drogës në Britani.
Droga është më e lirë që nga vitet 1990 dhe më e pastër se një dekadë më parë, pasi bandat shqiptare përdorin ligjet e pakicës për të tërhequr një marrje gati totale të industrisë së Britanisë, duke arritur deri në 5 miliardë euro kokainë.
Në vitet 1990-2000 mijëra shqiptarë kanë emigruar në Britaninë e Madhe. Mes tyre asokohe, thuhet në shkrim, ishin edhe shumë shqiptarë që pretendonin se ishin nga Kosova, në atë që është përshkruar si “rasti më i madh i ndryshimit të kombësisë”, në historinë e kohëve të fundit të emigracionit në Mbretërinë e Bashkuar.
Në të përfshihej një grup i vogël i veteranëve të luftës, të vendosur për të lënë gjurmë në Britani. Shumë prej tyre “nisën të punon si truproje në lokale dhe shtëpi publike, ku dominonte mafia malteze, por shumë shpejt morën në dorë tregun e prostitucionit. Sipas raporteve të vazhdueshme policore, kjo ndodhi për shkak të dhunës brutale që përdornin kriminelët shqiptare, sidomos me vajzat që trafikonin vetë, një sjellje që tronditi botën e nëndheshme të tregtisë së seksit.
Sipas një ish-inspektori të policisë dhe kreu i njësisë së trafikimit seksual në “Scotland Yard”, Paul Holmes, ky brutalitet i shqiptarëve i ka tronditur ekipin e tij të oficerëve në Britani.
Agjencia Kombëtare e Krimit (NCA) ka paralajmëruar se gangsterët shqiptarë paraqesin një “kërcënim domethënës” dhe se ata mund të përdorin lehtësisht “dhunën, veçanërisht përsa i përket zbatimit të tregtisë së drogës”. Shumë nga baronët shqiptarë të drogës janë arrestuar dhe burgosur në të gjithë Britaninë në vitet e fundit.
Një raport nga agjencia kryesore anti-drogë e Brukselit në fillim të këtij muaji, paralajmëroi gjithashtu se Britania është bërë kryeqyteti i kokainës në Evropë.
“The Sun” ka nisur fushatën për të rritur ndërgjegjësimin për ndikimin shkatërrues që mund të ketë në shëndetin mendor, përdorimi i kokainës, madje edhe i rastësishëm. Në fakt, mjekët kanë paralajmëruar për një “përmbytje” nga kokaina e lirë në Britani të Madhe, që po nxit edhe normat e vetëvrasjes.
Aktualisht, shqiptarët (760) përbëjnë totalin e dytë më të lartë të shtetasve të huaj në burgjet e Mbretërisë së Bashkuar, vetëm një grusht prapa polakëve (787), që në raport krahasimor janë popullsi numerikisht më e madhe.
Kush janë disa nga të arrestuarit dhe të dënuarit, krerë të bandave famëkeqe
Olsi Beheluli – U dënua me 11 vjet burg në vitin 2015, pasi më shumë se shuma e konsiderueshme prej 4 milionë paundë kokainë dhe heroinë, u konfiskuan nga banda e tij në veri të Londrës
Albert Memia – I njohur nofkën “Diti”, u burgos për 12 vjet për shkak të pjesëmarrjes në një bandë shqiptaro-kosovare, që cila importoi 1.2 milion paundë kokainë drejt Skocisë
Luan Plakici – Krijoi një pasuri prej 1 milionë paundësh nëpërmjet trafikimit të femrave në Londër, u burgos pas një hetimi të vitit 2003
Klodjan Copja – U dënua me 17 vjet burgim në vitin 2017, si “koka” e një zinxhiri furnizimi me kokainë prej 60 milionë paunësh në perëndim të Londrës
Tristen Asllani – Do të shlyejë pas hekurave dënimin prej 25 vjetësh burg, pasi u kap me 21 kg kokainë, një pistoletë “Skorpion” dhe 6 milion paundë të konvertuar nga sasia e drogës
Ilir Vakaj, Leonard Aga dhe Ilirjan Hasanaj – U burgosën në shtator të këtij viti për pjesëmarrjen në një operacion trafikimi të të paktën 120 kg kokainë në Brighton
Erald Mema – U dënua me 25 vjet burg në tetor si kreu i një bande që shiti kokainë të “pastërtisë së lartë”. Ai u kap me 560,000 paundë para të thata dhe 10 kg kokainë
