“Mirëmëngjes të dashur miq nga Jahorina e Bosnjës! Unë e nisa mbarë ditën sot me Darkon. Uroj një ditë të mbarë edhe për ju!”. Kështu shkruan sot në Fb, Presidenti Ilir Meta, i cili u shfaq duke përkëdhelur një qenush në video.
Meta i ka përshëndetur shqiptarët që në mëngjes me një mesazh nga Jahorina e Bosnjes, aty ku ndodhet për Samitin e SEECP-it. Me Darkon në krahë, të cilin me sa duket ka ndër mend ta marrë në shtëpi, Meta me humor i ka dërguar një përshendetje edhe maces së tij të dashur në Tiranë, Sashës: “Shpresoj të takohen së shpejti. Thonë se qentë dhe macet nuk shkojnë, po ky nuk është rasti,” thotë kreu i shtetit me buzëqeshje.
