Kryebashkiaku Mziu ka qënë i pranishëm në përurimin e punimeve në një ndër investimet themelore për vitin 2019 i planifikuar nga Bashkia Kamëz, ai i rrugës “Mustafa Lita” në Babrru-Kodër e Kuqe, Njësia Administrative Paskuqan.
Infrastruktura e kësaj rruge ka qene në kushte mizerabël, duke mos mundësuar lëvizjen normale qoftë për mjetet ashtu edhe për qytetarët e kësaj zone.
Rruga “Mustafa Lita” ka një gjatësinë prej 2420 metrash linear dhe një gjerësi prej 8 metrash, duke përfshirë të gjithë parametrat e një rruge me standarde bashkëkohore.
Asfaltimi i plotë i kësaj rruge ka bërë që të ndryshojë tërësisht pamja e infrastrukturës si dhe përmirësimi mjaft i ndjeshëm i mjedisit përreth.
Impakti i investimit është mjaft i ndjeshëm, pasi lidh në mënyrë organike lagjet e Njësisë Administrative Paskuqan me lagjen Bulçesh dhe duke rivitalizuar gjithë zonën që përfshin ky investim.
Nga ky investim madhor për vitin 2019 gjejnë vlerësimin e duhur më shume se 7500 familje që banojnë përgjatë gjithë segmentit, një shifër kjo që tregon vëmendjen që institucioni i Bashkisë i kryen shërbimet dhe investimet me një studim mjaft të qartë urban.
Sigurisht që investimi do të krijojë mjaft benifite, qoftë për ushtrimin e aktiviteteve bujqësore dhe blegtorale, por krijohet një mundësi e re për çeljen e bizneseve të reja duke pasur njëkohësisht edhe ndikim të drejtpërdrejtë në çeljen e vendeve të reja të punës.
Investimi në rrugën “Mustafa Lita” është financim 100% nga buxheti i Bashkisë Kamëz.
Kryebashkiaku Mziu ka qenë I shoqëruar gjatë përurimit të përfundimit të punimeve në rrugën “Mustafa Lita” nga shumë banorë të lagjes të cilët e kanë falenderuar z.Mziu për një punë të pakrahasueshme të realizuar kudo në Kamëz, Bathore dhe Paskuqan.
