Ish ministrja gjermane e Mbrojtjes, Ursula von der Leyen, do të jetë tani në postin e presidentit të Komisionit Evropian pasi u votua me 383 vota nga deputetët në Bruksel.
Mediat e huaja bëjnë me dije se Von der Leyen ka marrë vota edhe nga socialistët evropian pasi u zotua në fjalën para votimit se ata që kërkojnë të dobësojë Unionin do të gjejë tek ajo një armike të fortë.”Puna ime fillon tani. Le të punojmë së bashku në mënyrë konstruktive”, tha gruaja e lindur në një rrethinë të Brukselit, ca më shumë se 60 vjet më parë. Tanimë, rrjedha e karrierës së saj politike eshpuri në bash të kryeqytetit belg dhe evropian.
Politikanja kristiandemokrate, e cila u prezantua në krye të herës në skenën politike të Berlinit nga kancelarja Angela Merkel në vitin 2005 – dhe që dikur i referoheshin shkurtimisht si një pasardhëseje të mundshme të Merkel – do të jetë shefja e parë femër e një prej institucioneve të përbashkëta më të rëndësishme të BE-së.
Një zotëruese e mirë e gjuhëve
Von der Leyen kaloi 13 vjetët e parë të jetës së saj në Bruksel. Babai i saj, Ernst Albrecht, i cili më vonë do të bëhej kryeministër në landin e Saksonisë së Ulët, ishte një zyrtar i nivelit të lartë në Komunitetin Ekonomik Evropian dhe në Komunitetin Evropian, institucionet e mëparshme të BE [Komuniteti Ekonomik Evropian (EEC) ishte një organizatë rajonale që synonte të sillte një integrim sektorial në ekonomi midis shteteve anëtare të saj. KEE u krijua nga Traktati i Romës i vitit 1957. Me formimin e Bashkimit Evropian (BE) pas nënshkrimit të Traktatit të Mastrihtit në vitin 1993, KEE u inkorporua dhe u riemërua si Komuniteti Europian (KE). Shënim i përkthyesit]. Në dallim nga shumë kolegë të saj në qeveri, von der Leyen flet rrjedhshëm anglisht dhe frëngjisht dhe gjithmonë ka vepruar me vetëbesim në skenën ndërkombëtare.
Në legjislatura e qeverisjes së kancelares Merkel, von der Leyen mbajti një sërë postesh ministrore. Ajo do t’i përkushtohej pa ndryshim çdo detyre të saj të re, duke i “përmendur” strukturat ekzistuese nga “përgjumja”. Herë pas here, vendosmëria e saj madje prodhoi acarim në mesin e kolegëve të saj të CDU-së.
Poste ministrore
Fillimisht, nëna e shtatë fëmijëve mbajti postin e ministrit të Familjes në harkun 4-vjeçar midis 2005-s dhe 2009-s. Me stilin e saj të pazakontë, ajo dërgoi sinjale të qarta në establishmentin politik në Berlin. Për shembull, ajo nisi një program ndihme prindërore (“Elterngeld”) dhe mbikqyri zgjerimin mbarëkombëtar të kujdesit për fëmijët, duke siguruar mbështetje të konsiderueshme financiare nga qeveria gjermane.
Më tej, në vitin 2009, duke shërbyer në kabinetin e dytë të Merkelit, von der Leyen, një mjeke e trajnuar, u bë ministre e Shëndetësisë. Katër vjet më vonë, në dhjetor 2013, ajo u kthye në Ministrinë e Mbrojtjes. Von der Leyen “mbijetoi” në detyrë në këtë ministri edhe pas procesit të komplikuar të formimit të qeverisë në vazhdën e zgjedhjeve federale të vitit 2017. Zor se ndonjë nga 17 paraardhësit e saj, të gjithë meshkuj, arritën të mbajë një post të vetëm për gjashtë vjet.
Para se të merrte detyrën në Ministrinë e Mbrojtjes (e konsideruar si një “varrezë” për politikanët premtues në Gjermani), ambiciozja von der Leyen pati një karrierë pothuajse të përsosur. Ajo ka qenë më së shumti besnike ndaj kancelares Merkel, e cila e konsideron të besuarën e saj si një shtyllë solide të kabinetit.
Një forcë lëvizëse dhe reformatore
Si ministre e Mbrojtjes, Von der Leyen, i trajtoi me shpejtësi problemet e Forcave të Armatosura, një e nga një. Bundeswehri (Mbrojtja Federale, janë forcat e armatosura të bashkuara të Gjermanisë bashkë me administratën e tyre civile dhe autoritetet e prokurimit) ishte dhe është ende i “drobitur” nga pajisjet e vjetruara dhe të dëmtuara dhe nga mungesa e madhe e ekspertëve. Duke aplikuar shumë presion politik dhe duke folur në publik në emër të Bundeswehr-it, ajo arriti një rritje në buxhetin e mbrojtjes – megjithëse akoma shumë i ulët nga objektivat e shpenzimeve të NATO-s. Dhe nën sloganin “kthimi i personelit”, von der Leyen është ministrja e parë e Mbrojtjes në Gjermani që ndaloi zvogëlimin e Forcave të Armatosura, duke rritur numrin e trupave për herë të parë që nga fundi i Luftës së Ftohtë.
Nën kohëqëndrimin në detyrë të von von Leyen, politika e mbrojtjes u bë një element i njohur i politikës së jashtme të Gjermanisë. Kjo ishte gjithashtu në përputhje me përpjekjet ndërkombëtare për të luftuar milicinë terroriste të “Shtetit Islamik”, i cili është ndeshur kontributet e forcave të armatosura gjermane në disa sfera.
“Ne do të kishim lënë pas një periudhë gjatë së cilës Bundeswehr-i ishte zvogëluar për një kohë të gjatë”, tha von der Leyen më 2017. “Gjendja e sigurisë ka ndryshuar në atë masë që Bundeswehri duhet të merret me një numër të madh sfidash, duke filluar nga Siria dhe Iraku në Mali dhe të gjithë misionin në Detin Mesdhe.”
I pyetur nga DW nëse von der Leyen ishte një zgjedhje e mirë për të pasuar Jean-Claude Juncker si president i Komisionit të BE-së, eksperti i mbrojtjes i të gjelbërve, Omid Nouripour, foli për dështimet e shumta të Bundeswehr-ut që u bënë tema qendrore në Gjermani: “Situata në lidhje me pajisjet e forcave të armatosura gjermane nuk është një kualifikim i nevojshëm për punën e lartë ekzekutive të BE.”
Gabime dhe skandale
Reputacioni i Von der Leyen si gruaja që i shkon deri në fund vendimeve, është gjymtuar në vitet e fundit. Kjo është për shkak të një numri vendimesh të personelit, por edhe si rezultat i një numri skandalesh. Gjatë shërbimit të saj në detyrën aktuale, projektet e mëdha të armëve u shtynë, dhe njëherësh u shfaqën aktivitetet ekstremiste të krahut të djathtë në Forcat e Armatosura dhe praktikat poshtëruese që prekin rekrutët e rinj.
Dhe gradualisht ka dalë në dritë se një zëvendës ministër i punësuar nga von der Leyen mori një numër “lirish”, për shembull punësimin e një “ushtrie të vogël” të këshilltarëve të shtrenjtë nën diskrecionin e saj. Një komision hetimor në Bundestag është aktualisht duke u marrë me rastin, dhe von der Leyen do të dëshmojë brenda pak muajsh.
“Njolla” si këto i kanë zbehur disi ndriçimin reputacionit të patëmetë të von der Leyen në Berlin në muajt dhe vitet e fundit. Dhe akoma, vëzhguesit për një kohë të gjatë pohojnë se perspektivat e saj për një detyrë të lartë në Bruksel janë të mira. Përveç njohurive lokale dhe aftësive gjuhësore, ajo kontribuoi në krijimin e strukturës së unionit të mbrojtjes të BE. “Një ushtri evropiane si një objektiv afatgjatë dhe NATO nuk janë kundërta, por për mua, dy anë të së njëjtës monedhë, sepse është e rëndësishme që evropianët të përbëjnë një shtyllë të fortë brenda NATO-s, jo vetëm për të mbështetur besueshmërinë e NATO-s, por gjithashtu të ketë një zë të fortë evropian,” ka thënë von der Leyen. Në përgjigje të thirrjes së presidentit amerikan Donald Trump për një angazhim më të madh ushtarak të Gjermanisë dhe Evropës, ajo tha: “Sipas mendimit tim, kjo është një kërkesë e drejtë”.
Von der Leyen ka treguar ambicie për një zyrë më me prestigj edhe në të kaluarën. Kur i takonte CDU-së për të emëruar një pasardhës të mundshëm presidencial pas dorëheqjes së papritur të Horst Köhler në vitin 2010, ajo përkohësisht shpalli kandidaturën. Tani, vijimi i karrierës së saj mund ta largojë atë nga politika gjermane për ta kthyer sërish në vendlindje. Marrë nga: Deutsche Welle
