Çdokush nga ne, në periudha të caktuara në jetë, përjeton ndjesinë e vetmisë.
Të ndihesh i vetmuar, do të thotë të ndihesh i veçuar, të ndjesh sikur çdo gjë në jetë do të duhet ta përballosh vetë dhe pranë teje të mos gjendet askush.
Por krahas depresionit i cili është një nga rreziqet e vetmisë, ka disa shenja të tjera të cilat tregojnë se ju jeni në “fazën e vetmisë”. Për secilën nga këto shenja, siç transmeton visionplus, psikologët dhe personat e tjerë të cilët kanë kaluar situate të tilla, japin edhe këshilla për ta kapërcyer sa më shpejt këtë gjendje.
Jeni gjithmonë të uritur
Shumica e njerëzve hanë shumë kur kanë probleme ose janë në ankth. Zakonisht ata hanë gjëra të ëmbla ose pica. Kjo është diçka të cilën ata nuk mund ta kontrollojnë dhe i bën të ndihen më mirë për një periudhë të shkurtër kohore. E keqja është që ndjenja e urisë sa vjen e thellohet.
Në nënvetëdijen e tyre, ata janë duke provuar diçka që jua bën jetën të duket e lehtë duke ngrënë diçka të shijshme. Dhe në atë moment, trupi e prodhon hormonin e urisë – grelinin. Shkencëtarët kanë kryer një studim për të analizuar lidhjen mes hormonit të urisë dhe vetmisë. Ata kanë zbuluar se njerëzit që e konsiderojnë veten të vetmuar kanë një rritje të prodhimit të grelinit në gjak – pra hanë më shumë.
Shpenzoni shumë kohë duke bërë blerje në internet
Një studim ka treguar se njerëzit që janë në këtë gjendje shpeshherë duan të blejnë diçka. Zakonisht janë të përqendruar në gjëra materiale për ta mbushur zbrazëtinë që ndjenjë.
Nuk keni ëndrra dhe nuk mund të ndiheni të lumtur për tjerët
Vetmia afatgjatë shpeshherë mund të shoqërohet me një gjendje depresive. Njerëzit thjesht nuk ndihen më të lumtur. Ata duhet të bëjnë çdo gjë për të dalë nga kjo gjendje. Personat që kanë kaluar këtë situatë, rekomandojnë të mësoni të ndiheni të lumtur për njerëzit e tjerë, gjë e cila pastaj ju lumturon edhe juve.
Ndiheni të panevojshëm
Ndjeheni të pashpresë, nuk e dini përse jeni gjallë, ndiheni të panevojshëm. Nëse jeni duke përjetuar diçka të tillë, atëherë përpiquni të telefoni ndonjë mik të vjetër.
