Protestat e opozitës që pritet të nisin në shtator do të jenë edhe më të forta. I ftuar në studion e lajmeve në RTV Ora, ish-deputeti i PD, Luçiano Boçi tha se zemërimi qytetar pritet të shpërthejë në formën e një vullkani.
Luçiano Boçi: Protestat nuk kanë përfunduar, aksioni ynë politik vazhdon. Protestat kanë vazhduar edhe gjatë kësaj periudhe që duket sikur është detante vere po në fakt është më shumë një zemërim qytetar, që pritet të shpërthejë në formën e një vullkani, është një vullkan i fjetur.
Ne jemi në këtë menaxhim të zemërimit, prandaj them që protesta nuk ka për të përfunduar. Presion ndaj Ramës nuk është se është zhdukur do vazhdojë i tillë në të gjitha mënyrat e reagimit politik të opozitës, qoftë nëpërmjet aktivizimit të faktorit ndërkombëtar, apo edhe aktivizimit të protestës qytetare. Priten të jenë akoma më të forta ndaj kësaj qeverisje.
