Kosova arriti një fitore të madhe dhe të bukur përballë Republikës Çeke. Dardanët arritën të mposhtin miqtë me rezultatin 2-1, pavarësisht se ishin në disavantazh të një goli.
Por në përfundim të ndeshjes nuk kanë munguar reagimet e shumta. Një prej tyre është edhe i madhi Sokol Kushta, i cili nuk harron të lëshojë edhe një mesazh politik.
“Tani besoj se çekët e kuptuan që Kosova nuk është Serbi”, shkruan Kushta në postimin e tij pas ndeshjes.
Reagimi i Kushtës vjen pas deklaratës së presidenti çek, Milos Zeman, i cili pak para vizitës së tij në Beograd gjatë javës së ardhshme, është shprehur se nuk e përjashton mundësinë që Republika e Çekisë të tërheqë vendimin për njohjen e Kosovës si një shtet i pavarur.
Sokol Kushta është një ndër emrat më të mëdhenj të futbollit vlonjat dhe atij shqiptar. Ylli i Flamurtarit ka shkruar historinë, mbi të gjitha për suksesin në Beograd, përballë skuadrës së partianit, të cilën e eleminoi falë golit të tj, 7 minuta e fundit të ndeshjes.
Për ironi të fatit, sfida në fjalë, e vitit 1987, është luajtur në të njëjtin stadium ku luajti edhe Kombëtarja shqiptare më 14 tetor 2015.
