Pas deklaratës së Rudi Vatës, i cili u shpreh pas ndeshjes Shqipëri-Francë, se Mavraj duhet të largohet nga Kombëtarja, ka ardhur reagimi i kapitenit aktual të kuqezinjve.
Nëpërmjet një postimi në “InstaStory”, Mavraj i është përgjigjur shkodranit Rudi Vata, teksa ka publikuar foton e ish-mesfushorit të Kombëtares shqiptare, Fatmir Vata, me mbishkrimin ironizues: “Unë vetëm një Vata njoh”. Kujtojmë që ish-futbollisti nga Rrësheni ka veshur 17 herë fanellën e Shqipërisë, teksa nuk arriti të realizonte asnjë gol. Ndërkohë që Rudi Vata, numëron 59 paraqitje me ekipin Kombëtar, ku ka realizuar edhe 5 gola.
