21 shtatori ishte një nga ditët më të vështira për banorët e Durrësit dhe Tiranës që përjetuan një tërmetet më të fuqishëm të 3 dekadave të fundit. Kur numërohen mbi 500 banesa të goditura dhe mbi 50 pallate të dëmtuar duket se pasojat nuk kanë për të qenë të lehta për shumë prej tyre.
Një ditë më pas nisi fuqishëm propaganda qeveritare. Me të gjitha mjetet dhe mënyrat. Në TV, në radio, në Facebook, në Twitter, …në frigorifer.
Prej orës 10 të mëngjesit kryeministri Edi Rama nisi një sërë takimesh me vartësit e tij ku përsëriste të njëjtat gjëra. Thuhet se ka shumë shtëpi të goditura, por në asnjë nga takimet nuk u saktësua sa prej tyre janë bërë të pabanueshme sepse nëse nuk ka të tilla atëherë nuk ka nevojë për të gjithën këtë angazhim.
Kryeministri me sa duket po përpiqet të kthejë në favor të tij këtë tërmet për të hequr nga vëmendja talljen me dënimin e Saimir Tahirit, korrupsionin me PPP-të në akset Kardhiq – Delvinë dhe Milot – Balldre, akuzat e opozitës për kryebashkiakët e korruptuar, etj.
Të dielën Rama qëndroi për 154 minuta LIVE në TV ose rreth 2 orë e gjysmë duke konkurruar emisionet maratonë të së dielës. Nuk mbeti më pas edhe kryebashkiaku i Tiranës, Erion Veliaj me 116 minuta LIVE, ose gati 2 orë.
Për ta kuptuar më qartë. Problemi nuk është te qeveritarët që duan të tregojnë se janë në punë dhe vartësit më të vegjël që janë në garë për të treguar cili është më i zellshmi. Çështja është se janë të shumtë qytetarët që ankohen se askush nuk u ka shkuar për të parë nga afër dëmtimet në banesat e tyre.
Të shumtë janë edhe atë që kanë dilemën nëse banesa e tyre është e sigurt apo jo. Këta njerëz do të donin më pak qeveritarë të zënë në TV sesa në terren.
EDI RAMA – 154 MINUTA
38 minuta
ERTV Live: Me drejtues të Ministrisë së Mbrojtjes, Ministrisë së Brendshme, Emergjencës Civile, Rezervës së Shtetit dhe të gjithë prefektët e vendit
50 minuta
ERTV Live: Mbledhje e përbashkët e grupit parlamentar, ministrave dhe kryetarëve të bashkive
12 minuta
ERTV Live: Nga spitali i Traumës
6 minuta
ERTV Live: Në Qendrën Kombëtare të Urgjencës Mjeksore që është 24 orë në 24 në shërbim dhe prej ditës së djeshme, po përballon me sukses një fluks të jashtëzakonshëm thirrjesh, falë reformimit e modernizimit të sistemit të urgjencave, si edhe flotës së re të autoambulancave🙏
9 minuta
ERTV Live: Gjatë vizitës në Spitalin e Traumës. Askush nuk do mbetet vetëm🤗
16 minuta
ERTV Live: Durrës – Çdo familje e prekur nga tërmeti, sot duhet të ketë një kontakt njerëzor, të drejtëpërdrejtë me ne🤗
16 minuta
ERTV Live: Në Qendrën e Pritjes që është ngritur në stadiumin e Durrësit.
6 minuta
ERTV Live: Tiranë, Njësia Administrative Nr.7, për të larguar disa familje përkohësisht, në funksion të rindërtimit të çatisë së rrënuar nga lëkundjet sizmike🤗
ERION VELIAJ – 116 MINUTA
8 minuta
Aktivitet per mbledhje ndihmash per termetin
55 minuta
LIVE: Shtabi i Emergjencave në raportimin mbi verifikimet e situatës në terren pas tërmetit të ditës se djeshme.
15 minuta
Në familjen e Halil Sulës të prekur nga tërmeti i djeshëm.
27 minuta
LIVE – Mbledhja e Këshillit Bashkiak
11 minuta
Bashkë me zv/kryeministrin Braçe dhe Blerina Gjylameti sot në drekë vizituam disa nga familjet e prekura nga tërmeti, të cilat janë strehuar në mensën sociale në Kombinat. ©LAPSI.al
