Një aksident rrugor ka ndodhur në aksin rrugor Fushë Milot-Thuman. Raportohet se një makinë tip “Ford” ka dalë nga rruga dhe është përplasur me disa gurë, në afërsi të një guroreje pranë “Kryqëzimit të Patokut”.
“Balkanweb” mëson se në makinë ndodheshin katër anëtarë të një fëmiljeje nga Kukësi, të cilat janë dërguar në spital dhe po marrin ndihmën e nevojshme.
Dyshohet se shkak për ngjarjen është bërë përgjumja e drejtuesit të automjetit. Policia ndodhet në vendin e ngjarjes dhe po punon për zbardhjen e shkaqeve.
