Kryeparlamentari Matikashvili mori vendimin e për të larguar deputeten nga Kuvendi pasi Eka Beselia goditi Vano Zardiashvili në fytyrë. Në mënyrë të veçantë, mosmarrëveshja midis ligjvënësve u shkaktua nga komenti i Zardiashvili për Beselinë, kur Gedevan Popkhadze po i bënte pyetje një kandidati gjyqësor.
Situata u tensionua pas incidentit. Beselia e quajti Vano Zardiashvili një “zuzar”. Kryetari i seancës kërkoi që Eka Beselia të largohej nga salla.
Të dy, Eka Beselia dhe Vano Zardiashvili bënë komente pas incidentit.
“Ju lutem mos më kërkoni që të komentoj deklaratat e tij. Ai mori atë që e meritonte ”- u tha gazetarëve deputetja e pavarur Eka Beselia.
Sipas Beselia, ajo që ndodhi është përgjegjësi personale e Bidzina Ivanishvili, pasi deputeti Vano Zardiashvili flet në emër të partisë së tij.
“Unë jam përmbajtur shumë herë saktësisht sepse nuk e kam të drejtë të flas me këtë person, por kur ai e lejoi veten të më fyente në një hapësirë kaq të hapur publike, në një seancë, unë u detyrova t’i përgjigjesha këtij provokimi. Të gjithë do të përgjigjen për një provokim dhe abuzim të tillë. Ivanishvili është gjithashtu përgjegjës për atë që po ndodh, pasi deputeti Vano Zardiashvili flet në emër të partisë së tij ”- tha Beselia.
“Sjellja e Eka Beselia nuk ishte e papritur për mua” – tha Vano Zardiashvili pas incidentit.
Ai pretendon se nuk e ka fyer Beselinë.
“Unë jam përfshirë pa dëshirë në këtë proces. Ritheksoj – kërkoj falje. Shoqëria nuk e meriton të shohë procese të tilla në organin legjislativ. Sa i përket zonjës Eka Beselia, unë nuk e kam fyer atë. Ajo vazhdimisht përpiqet të krijojë veten në procesin politik. Kështu që ajo është e gatshme të bëjë gjithçka për këtë “, tha Zardiashvili.
