Një konflikt për pronën është kthyer në tragjedi në familjen Dakuci në Klos .
Burimet bëjnë me dije se ka humbur jetën Kujtim Dakuci dhe i biri Floget Dakuci, dhe më pas ka vrarë veten Sali Dakuci. Sherri ka nisur mes dy vëllerëzve, Kujtim dhe Sali Dakuci. Ky i fundit në gjaknxehtësi e sipër, pas sherrit ka marrë armën dhe ka qëlluar vëllanë e tij.
Nga sherri mes tyre e ka pësuar edhe djali i Kujtimit, Floget, por ende janë të paqarta rrethanat se si ky i fundit u përfshi në sherr. I gjendur përpara dy viktimave, vëllait dhe nipit, Sali Dakuci ka vrarë veten.
Kryeprokurori i Matit Abaz Muça dhe një grup hetimor kanë shkuar në vend për të zbardhur ngjarjen, që për shkak të largësisë dhe infrastrukturës së dobët është ende e paqartë.
Nga të dhënat paraprake mësohet se pas një konflikti për pronën,
“Grupi hetimor ka shkuar në vendngjarje dhe po punon për zbardhjen e plotë të ngjarjes”, njofton policia.
