Presidenti serb Aleksander Vuçiç mori sot dhuratë fjalorin e gjuhës shqipe nga korrespondenti i TV Klanit, Idro Seferi. “Ekselencës së tij, Presidentit Aleksandër Vuçiçq ia dhuroj fjalorin tim personal për t`u kuptuar më mirë në të ardhmen sesa në të kaluarën”, shkruan ai në dedikimin për fjalorin që ia dha gjatë një interviste që realizoi me kreun e shtetit serb.
Presidenti postoi një fotografi të dedikimit dhe dorëzimit të librit në llogarinë e tij në Instagram, “E ardhmja e Serbisë”.
Disa ditë më parë Vuçic gjatë një interviste ju drejtua gazetarit shqiptar nëse e tha mirë një fjalë në gjuhën shqipe.
Vuçiç, gjatë një takimi me kandidatët e Listës Serbe në Beograd lexoi disa dokumente të Komisionit Qendror të Zgjedhjeve të Kosovës (KQZ) në gjuhën shqipe:
Lista e kandidatëve dhe subjekteve politike, me ç’rast i është drejtuar gazetarit nga Kosova, Idro Seferi, se a ka lexuar mirë?.“Seferi, a i thash mirë?”, ka deklaruar Vuçiq me buzëqeshje.
“ A po e shehë nëse ti mundesh në serbisht, mund edhe unë diçka të mësoj, por nuk jam aq i talentuar si Nenad Rashiq apo Rada Trajkoviq”, ka thënë Vuçiq.
пункреас@punkreaspunkr
