Presidenti turk Rexhep Tajip Erdogan ka ngritur një padi penale kundër një reviste franceze, pasi kjo e fundit e akuzoi për kryerjen e “spastrimit etnik” në Sirinë verilindore në një histori me titull “Spastruesi”.
Agjensia shtetërore turke Anadolu tha se Erdogan kishte kërkuar nga prokurorët të hapnin një çështje kundër Etienne Gernelle, redaktorit të revistës “Le Point”, dhe Romain Gubert, gazetarit të çështjes. Avokati i Erdoganit, Huseyin Aydin tha se kopertina ishte fyese për presidentin – krim në Turqi dënohet me burg deri në katër vjet e tetë muaj.
Një burim në zyrën e prokurorit publik në Ankara i tha agjencisë së lajmeve AFP se kishte një hetim ishte nisur pas ankesës.
Kopertina e Le Point përdor një foto të Erdoganit ku jepte një përshëndetje ushtarake me një shkrim: “Pastrimi etnik, stili i Erdoganit” dhe një tjetër duke pyetur “A do ta lëmë të masakrojë kurdët (dhe të kërcënojë Evropën)?”.
Më 9 tetor, Turqia nisi një ofensivë që synon të gdhendë një “zonë të sigurt” të mbojtur nga Forcat Demokratike Siriane (SDF) të udhëhequra nga kurdët, të cilat Ankaraja i konsideron “terroristë”, si dhe në riatdhesimin e disa prej 3.6 milion refugjatëve që aktualisht banojnë në tokën e tyre. Ndihmësi presidencial i Turqisë, Ibrahim Kalin tha në një intervistë: “është e qartë pse ata [francezët] sulmojnë presidentin tonë. Ata janë në panik pasi loja e tyre është prishur dhe pengu i tyre në Siri, PKK, pësoi një goditje të rëndë “.
Ai tha se kolonitë e Francës kishin masakëruar mijëra njerëz dhe vënë në dukje edhe tregtinë e skllevërve.
“Ata [Franca] janë duke u përpjekur me çdo mënyrë për të mbrojtur kukullat e tyre, por pa dobi,” tha ai, duke iu referuar YPG. “Kurdët nuk janë kontraktuesit tuaj dhe ata nuk do të jenë. Ditët tuaja të kolonizimit tuaj kanë mbaruar”.
Presidenti francez Emmanuel Macron ka qenë një nga kritikët kryesorë perëndimorë të operacionit të Turqisë në Siri, duke e përshkruar atë si “diçka të çmendur”. Ai gjithashtu ka shprehur zhgënjimin për pamundësinë e NATO-s për të kontrolluar Turqinë, një anëtar i aleancës.
Presidenti turk përfshihet shpesh në gjyqre kundër atyre që janë kritikë ndaj tij ose politikave të tij.
PARALELIZIMI ME SHQIPËRINË
Edhe kryeministri i vendit tonë Edi Rama (ose anëtarë të familjes së tij) është përfshirë në një sërë çështjes gjyqësore. Ajo që bëri më shumë bujë është ajo me gazetarin gjerman Peter Tiede. Ky i fundit në gazetën prestigjoze “BILD” publikoi disa audiopërgjime ky pretendohej se figura të maxhorancës së vendit ishin të përfshirë në manipulimin e votave në zgjedhjet vendore të 2017-ës.
Rama i ka dhënë prokurën avokatit të tij gjerman Matthias Prinz për ta përfaqësuar në veprimet për procesin ndaj gazetarit të BILD, Peter Tiede. Megjithatë sipas Tiede, një hap i tillë nuk ka ndodhur dhe se nuk ka asnjë procedim penal apo padi në gjykate ndaj tij apo ‘BILD./ Aljazeera,
