Thirret në prokurorine e Kavajës sërish Marsida Qatja, 30-vjeçarja në shtëpinë e së cilës mbeti i vrarë, 42-vjeçari Dritan haxholli. Qatja po pyetet në lidhje me deklaratat kontradiktore që ka dhënë në media së fundmi.
Gjykata e Kavajës pranoi kërkesën e Prokurorisë, duke caktuar masën e sigurisë “detyrim paraqitje” për Marsida Qatjan më 17 tetor, pas vrasjes në banesën e saj, ku nga hetimet rezultoi se ishte konsumuar dhe kokainë.
Pikërisht për përshtatje të ambienteve për përdorim droge, Prokuroria nisi zyrtarisht hetimet ndaj Qatjas, duke kërkuar për të “detyrim paraqitje”.
Gjithashtu, Prokuroria ka sekuestruar edhe pasaportën e Qatjas, pasi ka pas informacion se do të dilte jashtë vendit, si dhe u ka kërkuar të mos flasë më në media për ngjarjen, pasi është person që ka dijeni dhe mund të prishë sekretin hetimor.
