Martin Henze, këshilltari ekonomik pranë CDU-së, shprehet se Kryeministri Edi Rama duhet të japë dorëheqjen.
Reagimi i Henze ka ardhur pas atentatit ndaj prokurorit Arjan Ndoj dhe dy personave të tjerë që ndodheshin në makinë me të, ngjarje e ndodhur dy ditë më parë.
Henze, në një reagim në twitter shprehet se u qëllua një prokuror, pasi ky i fundit po heton miqtë e partisë mafia që është në pushtet.
“Manipulimi i partisë qeverisëse shqiptare Rama + Mafia. Sot Mafia qëlloi një prokuror, i cili po heton miqtë e partisë së Ramës në pushtet. Rama është mafia, sipas shtypit, nuk ka më bisedime me Ramën, ai duhet të japë dorëheqjen”, shkruan Henze.
Nga atentati që ndodhi pasditen e së premtes, në mbikalimin e Shkozetit, u plagos prokurori Arjan Ndoj, shoferi i tij Andi Maloku dhe Aleksandër Laho.
