Nisi me rreth 10 minuta vonesë emisioni “Open” i gazetares Eni Vasili në Top Channel mbrëmjen e së enjtes.
Shkak është bërë tërheqja në momentin e fundit të përfaqësuesve të qeverisë nga tryeza e debatit ku do të flitej për protestat e banorëve të Astirit dhe çështja e Teatrit Kombëtar.
Por sapo në studio ka hyrë një grup i banorëve të Astirit, janë larguar nënkryetari i Bashkisë së Tiranës Arbian Mazniku dhe drejtori i ARRSH-së.
Sapo kanë bërë disa telefonata ata nuk kanë pranuar të përballen me banorët e Astirit që protestojnë për mbrojtjen e banesave të tyre.
Në studio ka mbetur vetëm gazetari Andi Bushati dhe zyrtari i PD-së, Jamarbër Malltezi.
Ky i fundit, në një reagim të tijin në Facebook shkruan: ”
Mbrëmja kur qeveria ka frikë të vijë në Top Channel. Respekt maksimal për Eni Vasilin që me ftesën ndaj banorëve të Astirit në studio bëri që Drejtori i ARRSh dhe nënkryetari i bashkisë të ikin me turp dhe mos guxojnë të paraqesin asnjë argument!”.
