Gazetarja Dorjana Bezat në një lidhje të drejtpërdrejtë me “News 24” tregon se pallati ku ajo jetonte dhe një tjetër në zonën e Ali Demit në Tiranë janë shpallur të pabanueshëm.
Ajo thekson se banorët në pallatin ku ajo jetonte dhe në pallatin tjetër janë evakuuar, ndërsa shton se të gjithë kanë zgjedhur të shkojnë tek të afërm ose të flenë nëpër makina.
Gazetarja tha se vendimi për të shpallur pallatin ku ajo banonte të pabanueshëm ka ardhur pas tërmetit. Banorët janë evakuuar.
“Edhe unë vetë kam marrë thjesht rrobat e djalit të vogël. Njoftimi na erdhi pasdite dhe kemi shkuar te të afërmit ose kemi fjetur në makina. Mundësi strehimi emergjente ka, por shumica kanë zgjedhur të shkojnë tek të afërmit. Po udhëtoj ndërkohë që të siguroj familjen time”, tha gazetarja Bezat.
