Kryeministri Edi Rama shprehet se viti 2020 do jetë kyç për qeverinë dhe qeverisjen e tij në raport me të gjitha vitet e kaluara.
Rama e quan kyç për shkak të procesit të rindërtimit, ndërsa paralajmëron se pritet tërmet në themelet e pasurisë së krimit.
“Dua të them që për sa më takon mua 2020 është kyç, dhe viti më i shënuar i qeverisjes sime për shkak të rindërtimit, për shkak të një procesi historik në betejën me krimin që nis në ditet në vijim, për të çuar një tërmet nga shteti në themelet e pasurisë së krimit. Për shkak të projekteve të mëdha, për shkak të një rezolucioni në raport me administratën për shërbimet publike”, tha Rama.
