Tabloidi prestigjoz britanik ‘The Sun’ duke i kushtuar një vëmendje të veçantë krimit të organizuar në Londër, në një shkrim të gjatë ndalet edhe te mafia shqiptare.
Bosët shqiptarë të kokainës: Londra Lindore
‘Mafiozët shqiptarë janë kthyer në protagonistë absolutë global ‘dominantë’ në tregtinë e drogës britanike, me një vlerë prej 5 miliard stërlinash.
Kryesorë në tregtinë e drogës së drogës në Londrën lindore janë grupi Hellbanianz, të cilët fajësohen edhe për rritjen e krimit të rrugës në këtë pjesë të kryeqytetit britanik.
Me seli në Barking, bandat e rrugës publikojnë video rap, pistoleta, kuti me para duke inkurajuar edhe të tjerë tu bashkohen atyre.
Juristi Nick nga zyra ligjore Laëtons Laë thotë:
Nuk ka dyshime se rrjetet sociale mund të promovonë rekrutimin e të rinjve, të cilët tërhiqen nga imazhet e parave, orëve të kushtueshme të cilët reklamojnë një stil jete ndryshe’
‘Këta janë njerëzit që shpesh humbasin ndërsa janë në linjën e parë, duke u vendosur në rrisk për shkak të dhunës së bandave, duke u kthyer ose në persona të varur nga droga ose përfundojnë në gjykate përballë veprave penale dhe dënimeve penale’
Tekstet e këngëve rap të bandave të Hellbanianz janë tronditëse:
‘Ne ju pushkatojmë, shqiptarëve nuk u duhet asnjë arsye. Ata përpiqen të na kapin, por shqiptarët nuk mund të kapen’
Pavarësisht pretendimeve se ata nuk mund të kapen,- vazhdon shkrimi i ‘The Sun’,-tre nga bandat shqiptare janë dënuar me 42 vite burgim në vitin 2016 pasi policia zbuloi 6 milion £ drogë si dhe një mitraloz Skorpion.
Dhjetëra kriminelë të tjerë shqiptarë gjithashtu janë arrestuar dhe burgosur në të gjithë Britaninë vitet e fundit.
Shifrat tregojnë se tani ata përbëjnë një në dhjetë të burgosur të huaj në burgjet britanike.
Sipas ‘Mail’, të njohur si mafia shqiptare, bandat nga Shqipëria drejtohen nga kodi i vdekjes ‘Kanun’, e drejta për të marrë hak.
Po kështu egërsia e tyre shkon deri aty sa ata akuzohen edhe për drejtimin e shtëpive publike si edhe torturimin e armiqve ‘të nëntokës’.
