Detaje të reja tronditëse janë zbardhur nga aksidenti i rëndë i ndodhur këtë mesditë në Memaliaj. Viktima kanë mbetur dy mësues, të cilët kanë qenë duke u kthyer nga puna.
Ata kanë qenë duke udhëtuar me makinë, kur mjeti ka dalë nga rruga dhe ka përfunduar në kanalin kullues, në krah të rrugës nacionale Memaliaj – Tiranë, duke i zënë brenda. Për pasojë, të dy mësuesit kanë humbur tragjikisht jetën.
Memaliaj/ Informacion paraprak
Në rrugën nacionale Memaliaj-Krahës, në vendin e quajtur “Mogila”, një automjet tip Benz ka dale nga rruga dhe është përmbysur.
Si pasojë kanë humbur jetën drejtuesi i mjetit dhe pasagjeri që ndodhej në mjet.
Në vendngjarje shkoi grupi hetimor dhe po punon për zbardhjen e shkaqeve të aksidentit.
