Në emisionin Opinion, Presidenti Meta iu është përgjigjur disa pyetje të bëra nga publiku.
Një nga komentuesit pyeste Presidentin se “ku vajti shprehja e tij me qetësi dhe dashuri” dhe se “nëse është e nevojshme do t’ja vendosni gjoksin topit si Mic Sokoli”.
Presidenti tha se shprehja e tij “me qetësi dhe dashuri” përdorej nga ai kur ishte kreu i Kuvendit kur sipas tij institucionet ekzistonin ende.
“I lavdishëm kujtimi i Mic Sokolit se ai jeton ende. Me qetësi dhe dashuri ishte në parlament sepse unë përpiqesha ti qetësoja të gjithë aty. Institucionet ishin, kishte gjykatë kushtetuese kishte gjykatë të lartë madje bëmë edhe nja dy punë të mira aty. Tani duhet me qetësi dhe drejtësi sepse situata është katastrofike sepse po shpopullohet Shqipëria”, tha Presidenti Meta. /Opinion.al
