Gjasat janë që këtë vit të mos ketë dasma në Shqipëri. Ministri i Turizmit, Blendi Klosi, i ftuar në emisionin “Opinion” tha se dasma sipas modelit tradicional është e vështirë që të ketë për shkak të situatës së krijuar nga Covid-19.
Sipas tij ato janë evente ku është e pamundur që të ruhet distanca sociale.
Pjesë nga biseda:
Bledi Fevziu: A do të kemi dasma këtë vit?
Blendi Klosi: Dasma ka po me kushtet e koronavirusit. Dasëm dasëm do jetë shumë e vështirë sepse varet se si do shkojë ekonomia.
Blendi Fevziu: Po mirë kampionatin europian i shtymë, lojrat olimpike i shtymë, do të shtyjmë dhe dasmat?
Blendi Klosi: Martesa mund të bëhet por dasma është pikëpyetje. Do jetë shumë e vështirë të hapen sepse janë gjëra masive të vështira të kontrollueshme janë aktivitetete ku nuk respektohen distancat.
