Kryeministri Edi Rama deklaroi mbreme në studion e emisionit “Real Story” në News 24 se sot pritet të merret vendimi final në lidhje me hapjen apo jo të shkollave. Kryeministri tha se është gjetur një zgjidhje që të ruhet shëndeti i nxënësve dhe studentëve, por nga ana tjetër të mos humbet as viti shkollor.
Kujtoj që në zonën më të populluar të Shqipërisë Tiranë-Durrës ne në nëntor morëm goditje edhe nga tërmeti gjë që ka bërë të rritet shumë numri i nxënësve në shkollat e padëmtuara, ku hapja e procesit mësimor është faktikisht e pamundur, nga ana tjetër ne nuk duam të humbim vitin shkollor. Ne kemi hartuar një proces disi tjetër nga vendet e tjera. Besoj që do bëjmë dicka në këtë drejtim. Kemi skenar pozitiv qoftë për të mbrojtur shëndetin,qoftë për të mbrojtur nxënësit dhe qoftë për të mbrojtur vitin”,- tha ai.
