I ftuar në “Tempora” nga Sonila Meço në RTv Ora, ish-deputeti i PD-së Gazment Bardhi u shpreh se Rama është vetëm me oligarkët dhe i braktisur nga qytetarët.
Bardhi shtoi se sipas sondazhet, opozita është shumicë dërrmuese, pasi fokusi kanë qenë oligarkët dhe janë braktisur 3 milionë banorë.
Bardhi: Rama e bën këtë deklaratë kur një nga 15 kushtet e BE-së për negociata është lufta ndaj narkotikëve. Shqipëria është futur në listën e vendeve me rrezik të shtuar për pastrimin e parave dhe Rama thotë që do të legalizoj paratë e krimit.
Sot Rama është vetëm me oligarkët dhe i braktisur nga qytetarët. Është i vetëm nga pikëpamja e mbështetjes popullore.
Opozita sa vjen dhe forcohet në të gjitha sondazhet tona. Mund të konfirmoj se opozita është shumicë dërrmuese, jo thjeshtë për faktin se kemi një qeveri në 7 vite, por për modelin dhe rezultatet e qeverisjes, pasi fokusi kanë qenë oligarkët dhe janë braktisur 3 milionë banorë.
