Kryetari i Federatës së Bosnjës e Hercegovinës, Fadil Novalic, Drejtor i Mbrojtjes civile dhe pronari i kompanisë “Mjedra e argjendë” janë marrë në pyetje në selinë e Agjencisë Shtetërore për Hetime dhe Mbrojtje në kuadër të hetimit për aferën “Respiratorët”, njofton Alsat.mk.
Policia i ka marrë telefonin Novalicit për ekspertizë, ku duhet të konfirmohet me kë ka kontaktuar ai për blerjen e respiratorëve.
Respiratorët që u bënë objekt hetimi u blenë nga Kina për 5.3 milionë euro, por janë të papërdorshëm në repartet e kujdesit intensiv, kurse hetim duhet të përcaktojë sesi “Mjedra e argjendë” mund të importojë respiratorë kur ajo është e regjistruar si kompani e përpunimit dhe kultivimit të frutave dhe perimeve.
Kompania, tenderin e ka fituar me marrëveshje të drejtpërdrejtë.
