Shkon në 37 numri i viktimave nga Covid-19 në vendin tonë, pasi në 24 orët e fundit ka ndërruar jetë një pacient 68 vjeç nga Puka në Spitalin Infektiv.
Sipas ministrisë, i ndjeri vuante nga spok, sëmundje e mushkërive dhe ishte ne gjendje te rende i intubuar prej disa ditësh.
Pavarësisht përpjekjeve të stafit mjekësor 68 vjeçari nuk ka mundur të mbijetojë.
Aktualisht në spitalin infektiv po marrin shërbim 50 pacientë, 8 prej tyre janë në terapi intensive, ndërsa 2 janë të intubuar.
Në vendin tonë janë aktualisht 571 persona aktivë me COVID19, kryesisht në Tiranë, Shkodër, Krujë.
