Covid-19 rikthehet në Durrës. Pas dy ditësh ku nuk u raportua për të infektuar me koronavirus, Ministria e Shëndetësisë njoftoi sot për një rast të ri pas kryerjes së 13 tamponëve të marra nga qyteti bregdetar.
Mësohte se i infektuari është një punonjës i Operatorit të Shpërndarjes së Energjisë Elektrike, (OSHEE).
Ndërkohë, klientët që janë paraqitur për të likuiduar faturat elektrike, janë kthyer mbrapsht rreth orës 12:00, pasi ka filluar dezifektimi i përgjithshëm i zyrave.
Ekziston frika se punonjësi mund të ketë infektuar kolegët në punë apo edhe klientë të ndryshëm.
Gjatë 24 orëve të fundit, u regjistruan 67 raste të reja dhe u shënuan 2 humbje jete.
