Disa shkencëtarë besojnë se ka dëshmi në rritje të transmetimit ajror të virusit korona.
Sipas Organizatës Botërore të Shëndetit, transmetimi nga ajri përfshin pika të vogla që përmbajnë viruse të pezulluara (shpërndara) në ajër (aerosole) që qëndrojnë për ca kohë dhe që transportohen në distanca më të mëdha se 1 metër përmes rrymimit të ajrit shkruan The Guardian përcjell Gazeta Shneta.
Këto pika, më pak se pesë mikronë në diametër, përmbajnë më pak virus se pikat e mëdha të frymëmarrjes, por ndryshe nga këto të fundit ato nuk bien shpejt në tokë.
Dhe ndërsa OBSH ka thënë se nuk është e mundur të përjashtohet rastet në mesin e njerëzve në ambiente të mbyllura, të ajrosura dobët si restorantet, praktikat e korit dhe klasat e fitnesit për transmetime të tilla, të nivelit aerosol.
Poashtu profesor David Heymann i fushës së epidemiologjisë së sëmundjeve infektive, tha se transmetimi i Covid-19 ishte i njohur të jetë i mundur nga ekspozimi ndaj pikave të mëdha.
Sidoqoftë, ndërsa sëmundja mund të përhapet nga aerosolet, ai tha se ka pak shenja që grimacat udhëtojnë larg – përveç potencialit në rastin e procedurave mjekësore që prodhojnë aerosole.
“Ka prova të kufizuara që aerosolet e krijuara nga të folurit, kollitja ose teshtitja mund të përhapen më shumë se 1 metër, duke u shpërndarë kështu përmes ajrit, dhe ka prova të kufizuara që transmetimi nga ajri luan një rol në përhapjen e Covid-19 në komunitet ” tha ai.
Gjithashtu, Dr. David tha që mbulesat e fytyrës ishin të rëndësishme për të mbrojtur njerëzit e tjerë nga personat e infektuar me Covid-19 që mund të jenë asimptomatik, veçanërisht kur distancimi shoqëror është i vështirë – në masë që do të ishte gjithashtu e rëndësishme nëse sëmundja përhapet me transmetimin në ajër.
“Nëse këto mbulesa të fytyrës kapin pikat, ato pika nuk mund të hyjnë si aerosole dhe nuk mund të hyjnë si një gjendje ajri,” tha ai.
Për t’u mbrojtur kundër virusit, maskat e tipit N95 janë lloji më i mirë i tyre.
