(VIDEO)/Plas sherri në Vlorë, të moshuarit qëllohen me gur për një lojë domino

Këto që shihni në këto pamje janë disa nga momentet e sherrit mes dy të moshuarve në zonën e plazhit në Vlorë. Siç edhe shihet, njëri prej të moshuarve qëllon tjetrin me gurë në kokë, dhe ky i fundit përpiqet të fshihet pas një peme. Mes tyre, për të ndalur sherrin, ndërhyn edhe një person tjetër i moshuar. Nga përballja mes dy të moshuarve, ata të dy janë lënduar, ndërkohë që shkak për sherrin dyshohet se ka qenë “hileja” gjatë lojës domino. Të moshuarit janë transportuar në spital dhe gjendja e tyre shëndetësore është e mirë. Ngjarja shokoi pushuesit në plazhin e Vlorës, të cilët u përballën me pamjet e sherrit gjatë një orari tejet të frekuentuar.