Zyrat e Hipotekës (AShK) në Pogradec kanë pezulluar punën ditën e sotme (31 gusht), pasi bashkëshorti i një punonjëseje ka rezultuar ditë më parë me Covid19.
Aktualisht ai është i shtruar në Tiranë dhe ndodhet nën kujdesin e mjekëve.
Këtë të hënë (31 gusht) mësohet se në këto zyra janë kryer dezinfektime ndërsa puna do të vijojë me masa të rrepta për të gjithë qytetarët.
Gjithashtu do të gjurmohet nëse punonjësja ka pasur kontakt me kolegët ose jo.
Gjatë 24 orëve të fundit në Shqipëri u regjistruan 133 raste të reja, ndërsa 4 persona fatkeqësisht kanë humbur jetën.
