Situata e përkeqësuar në Athinë me COVID-19 ka detyruar qeverinë greke të zgjasë masat kufizuese duke mbajtur mbyllur kufirin edhe për 12 ditë me Shqipërinë, Maqedoninë e Veriut dhe Turqinë me të cilat Greqia kufizohet me rrugë tokësore.
Masa do të jetë e vlefshme deri më 12 tetor teksa në Greqi probleme ka vetëm rajoni i Atikës, dhe shpërthimet e infektimeve nga COVID-19 janë në kryeqytet, Athinë.
Por duket se kjo ka prekur edhe Shqipërinë, teksa do të vijojë rregulli i mëparshëm me 300 qytetarë që lejohen të kalojnë nga Kapshtica brenda 24 orëve dhe 750 nga Kakavija, me test negativ PCR për COVID-19, vërtetim të përkthyer dhe formularin PFL grek.
