Në garën e hapur për të pranuar hetuesit e rinj të Byrosë Kombëtare të Hetimit, kanë kaluar me sukses testin e arsyetimit logjik 403 nga 424 kandidatë në garë.
Pas këtij testi të zhvilluar ditën e sotme, do të zhvillohet teksti fizik. Për shkak të numrit të lartë të kandidatëve, testimet do të zhvillohen për katër ditë duke nisur nga data 19 tetor në ambientet e repartit speciale RENEA në Yzberisht.
Njoftimi i BKH:
Testi i Aftësive Fizike do të zhvillohet në ambientet e Repartit Special “RENEA”, Yzberisht, Tiranë.
Për shkak të numrit të lartë të kandidatëve të kualifikuar testimi do zhvillohet si vijon:
Datë 19.10.2020, do paraqiten për testim kandidatët që janë në listë, me numër rendor : 1 (një) deri në 100 (njëqind) ;
Datë 20.10.2020, do paraqiten për testim kandidatët që janë në listë, me numër rendor: 101 (njëqind e një) deri në 201 (dyqind e një).
Datë 21.10.2020, do paraqiten për testimin kandidatët që janë në listë, me numër rendor: 202 (dyqind e dy) deri në 302 (treqind e dy).
Datë 22.10.2020, do paraqiten për testim kandidatët që janë në listë me numër rendor: 303 (treqind e tre) deri në 403 (katërqind e tre).
Kandidatët në ambientet e Repartit Special “RENEA” duhet të paraqiten në orën 08.00.
Kandidatët do të jenë të pajisur me maska për sigurinë shëndetësore të tyre, ndaj pasojave të infeksionit COVID – 19.
Merrni atlete dhe veshje sportive të përshtatshme për vrapim, si edhe pije freskuese.
Kandidatët para fillimit të Testit të Aftësive Fizike do të regjistrohen duke paraqitur një dokument identifikimi me fotografi (pasaportë ose kartë identiteti). Dokumenti identifikimit do të krahasohet me gjeneralitetet e parashikuar në listën emërore.
Kandidatët para se të marrin pjesë në test do të dorëzojnë tek Komisioni i Përzgjedhjes Raportin Mjekësor, nga specialisti Kardiolog, që vërteton që janë të aftë fzikisht për të marrë pjesë në këtë test pa rrezikuar për infarkt kardiak ose komplikacione kardiovaskulare”.
