Të tjera detaje kanë dalë në dritë nga vrasja e biznesmenit Niko Goro bë Himarë.
Paraprakisht dyshohet se ai është qëlluar me breshëri kallashnikovi nga një automjet tip “Volkswagen Touareg” në lëvizje, ndërsa sipas “Shqiptarja.com”, në automjet ndodheshin dhe tre persona të tjerë. Niko Goro, kushëri me kryebashkiakun e Himarës, Jorgo Goro u qëllua për vdekje ndërsa ndodhej te supermarketi në pronësi të motrës e tij, ku edhe kjo e fundit ka marrë plagë.
Nuk dihen ende shkaqet e kësaj ngjarjeje të rëndë, por paraprakisht dyshohet se Goro ka pasur disa probleme me çështjen e pronave, që mund të jetë bërë shkak i atentatit.
