Mjekja pediatre Prof. Gjeorgjina Kuli theksoi se maska duhet të mbahet edhe nga fëmijët mbi 6 vjeç. Kuli shtoi se maska është një prej mjeteve mbrojtëse shumë të rëndësishme.
“Maska është një nga mjetet mbrojtëse shumë të rëndësishme edhe për fëmijët e vegjël. Mosha e rekomandueshme që fëmijët të mbajnë maskë është 6 vjeç e sipër.
Sepse është një moshë që fëmijëve mund t’u shpjegohet për rëndësinë e maskës, për faktin pse duhet mbajtur dhe po kështu mund të kombinohet në formë lojërash apo maska me personazhe të përrallave apo të botës së tyre, për ta bërë atë pjesë të rëndësishme të jetës së përditshme”, bëri të ditur mjekja.
