Forcat e reja politike që kanë prejardhje nga Partia Demokratike janë ndeshur me shumë kritika nga përkrahës dhe përfaqësues opozitarë.
Sekretari për çështjet zgjedhore në PD, Ivi Kaso u shpreh se këto parti të reja janë një diversion i pastër zgjedhor për të ndarë votën.
“Subjektet e reja janë krijuar me bekimin e mazhorancës në pushtet, për një diversion të pastër elektoral, për të ndarë votën opozitare. Megjithatë, kjo janë diversione që bëjnë pjesë në atë skemë të madhe të manipulimit në tavolinë të vullnetit të shqiptarëve. Në çdo mënyrë që të vijë ky manipulim, nuk ka për të shmangur rotacionin politik”, ka theksuar Kaso.
