Ahmet Mesut Yılmaz, ish- kryeministër i Turqisë në vitet 1990 ka ndërruar jetë sot në një spital të Stambollit, në moshën 73-vjeçare.
Mjekët nga Spitali Florence Nightingale, njoftojnë se Yılmaz, vuante nga kanceri i mushkërive në vitet e fundit. Më 5 maj, Yılmaz iu nënshtrua një operacioni në tru, ku mjekët thanë se gjendja e tij shëndetësore ishte e qëndrueshme.
Yılmaz, ish-kryetar i Partisë Anavatan (Mëmëdheu) u emërua si kryeministër tri herë në periudhën prej vitit 1991 deri në 1999. I lindur më 6 nëntor të vitit 1947, ish-kryeministri ishte i martuar dhe kishte dy fëmijë, njëri prej të cilëve ndërroi jetë në vitin 2017.
