Ai ishte dëbuar nga Italia, por u kthye me një emër tjetër dhe me një pasaportë të re. Sidoqoftë, përpjekja e tij për t’i shpëtuar autoriteteve u zbulua nga policia në Ferrara gjatë një kontrolli rutinë.
Kur agjentët e ndaluan më 22 tetor, ai tha se quhej Amarildo Likaj, ndërkohë që iu kontrollua edhe shtëpia por pa ndonjë rezultat.
Më pas, hetimet e mëtejshme treguan se burri nën kontroll mund të ishte në të vërtetë një shtetas tjetër shqiptar, përkatësisht Amarildo Saliaj, një 27-vjeçar i dëbuar nga territori italian në shkurt 2019.
Për këtë arsye, policia shkoi sërish në banesën e tij më 30 tetor, duke e ftuar atë të tregonte pasaportë.
Shqiptari ishte veçanërisht i shqetësuar, prandaj u zhvillua një kërkim i ri, duke gjetur një peshore elektronike dhe dy mbështjellëse metalike me kokainë brenda për një peshë prej 28,19 gram neto në të parën qese, dhe 11,11 gram lëndë prerëse.
Pas kontrolleve të të dhënave me foto, ai rezultoi të ishte Amarildo Saliaj, i cili ishte kthyer në Itali me një mbiemër tjetër. Burri u arrestua dhe u dërgua në burg si për shkelje të urdhrit të dëbimit, ashtu edhe për zotërimin e drogës për qëllime të tregtimit.
