Pas disa padive që detyruan Byronë Kombëtare të Hetimit të rishikonte dokumentacionin e skualifikimit të kandidatëve për hetues, reagon edhe ambasadorja amerikane në Tiranë, Yuri Kim.
Nëpërmjet një postimi në Twitter, ambasadorja përshëndet vendimin e BKH për të shqyrtuar rezultatet si dhe korrigjimin e një gabimi me një prej kandidatëve.
“Ne e përshëndesim njoftimin e Byrosë Kombëtare të Hetimit se ajo ka shqyrtuar rezultatet e testit dhe ka korrigjuar një gabim. Sinjal i fortë se BKH po siguron transparencë dhe integritet, praktikon kontrollin e cilësisë dhe po merr përgjegjësi për veprimet e tij. Kështu duket reforma e vërtetë!”, shkruan ambasadorja amerikane.
