Një sherr me thika i ndodhur ditën e djeshme në Kamzë për pak sa nuk ka rezultuar fatal për një 19-vjeçar i identifikuar si A. Tafhasi. Burime bëjnë me dije për abcnews.al, se ai ka mbetur i plagosur me thikë pas sherrit me E. Mema, 20-vjeç i cili tashmë është shpallur në kërkim. Policia po punon për kapjen e tij dhe zbardhjen e plotë të rrethanave të ngjarjes. Sipas informacioneve paraprake dyshohet se sherri mes tyre ka nisur për motive banale
“Policia ka referuar materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit në kërkim A.T. 19 vjeç, banues në Tiranë, pasi mbrëmjen e djeshme në rrugën e “Arbërit” pas një konflikti të çastit dyshohet se ka goditur me mjet prerës shtetasin E.M, 20 vjeç, nga Tirana, i cili ndodhet në spital nën kujdesin e mjekëve. Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore“, njofton policia
