Fjalia standart e çdo Missi, është se do të shpëtojë botën. Një prej tyre, duket se më në fund do ta bëjë realitet këtë gjë. Bëhet fjalë për Ish-Missin e Britanisë së Madhe në 2014, Carina Tyrrell
E diplomuar për mjekësi, ajo bën pjesë në grupin e ngushtë të Universitetit të Oksfordit, për vaksinën kundër koronavirusit.
Ajo ishte duke punuar me OBSH duke kryer kërkime mbi pandemitë kur u shfaq virusi dhe ka qenë pjesë e një ekipi në Universitetin e Oksfordit, që zhvilloi vaksinën kundër koronavirusit dhe provat klinike.
E diplomuari në Kembrixh, Dr Tyrrell lindi në Zvicër nga prindër britanikë. Babai i saj Mark është një fizikant i njohur, ndërsa nëna e saj Sue punonte në Organizatën Botërore të Shëndetësisë.
“Para gjashtë vitesh nuk e mendoja kurrë se do të isha pjesë e një ekipi në kërkim të një vaksine gjatë një pandemie globale në këtë shkallë”, thotë ajo, teksa shton se ëndrra e saj e fëmijërisë ishte të trajtonte probleme shëndetësore globale si malaria.
Tyrell thotë se në kohën e shpërthimit të koronavirusit, po punonte në Organizatën Botërore të Shëndetësisë pikërisht për pandemitë.
“Ashtu si shumë studiues në të gjithë botën, të gjithë ndaluan punën që po bënin dhe iu përkushtuan totalisht Covid-19”, tha ajo.
Dr. Tyrrell, e cila humbi një person të afërt nga pandemia, thotë se pavarsisht orëve pa gjumë dhe stresit, fakti që Oksford ka një vaksinë efektive, e bën atë shumë të lumtur.
“Vaksina është fantastike, i gjithë mundi është i paguar”, shprehet ajo.
