Një kongresmen amerikan ka humbur jetën nga koronavirusi. Mediat e huaja raportojnë se Luke Letlow, kongresmen i zgjedhur nga Luiziana, ka humbur jetën si pasojë e Covid-19, të martën në një spital në Shreveport.
41 vjeçari ishte i zgjedhur nga republikanët për të përfaqësuar rajonin e 5-të të Kongresit të Luizianës.
Letlow është politikani i rangut më të lartë amerikan që vdes nga Covid-19, që i ka marrë jetën më shumë se 337,000 amerikanëve. Ai pritej që të betohej në detyrë të dielën.
41-vjeçari njoftoi se kishte rezultuar pozitiv për koronavirusin në 18 dhjetor dhe u izolua në shtëpinë e tij në Richland Parish në Louisianan verilindore. Por fatkeqësisht, ai nuk arriti ta fitonte dot betejën me COVID-19.
