64 vjeçarja Lume Zela u terorizua nga një 16-vjeçare mëngjesin e sotëm, e cila, duke u shtirur si e sëmurë, iu fut në shtëpi, ku më pas e dhunoi, e mbylli në një dhomë me qëllimin për t’i grabitur shtëpinë.
Ngjarja u regjistrua në Lushnje, ndërsa sipas “Dosja.al”, e mitura është identifikuar si Kristjana Beqiri.
Kjo e fundit dyshohet se është ndihmuar edhe nga një shok i saj, 18-vjeç, që të mund të largohej nga shtëpia e të moshuarës, pasi nuk gjeti asgjë me vlerë për të vjedhur.
Ndërkohë, rezulton s e mitura është e njohur në rrjetin social Instagram, ku poston jo pak foto, mes të cilave nuk mungojnë edhe ato provokuese.
Në profilin e saj, shihet se e mitura ka marrë pjesë në disa videoklipe, ndërsa në një foto ka pozuar me këngëtarin Stine.
Ndërkohë që dhe shkrimet poshtë fotove provokuese, ajo shkruan: “Alo zemra një çantë me lekë gati? A keni parë ndonjë vajzë të çmendur?”.
