Ramiz Krasniqi, avokati i biznesmenit Skender Krasniqit – i cili vrau djalin e tij, Albertin, thotë se kamerat të cilat ndodhen në objektin ku ka ndodhur ngjarja, mund ta dëshmojnë se vrasja ka ndodhur aksidentalisht.
Avokati Krasniqi shprehet se ka komunikuar edhe me të dyshuarin, i cili thotë se kjo vrasje ka qenë aksidentale.
“Kam komunikuar që në momentin e parë me Skenderin dhe ka thënë se vrasjen e ka bërë në mënyrë aksidentale, në atë objekt ka kamera nëse ato kamera kanë qenë funksionale unë jam i bindur se do të konfirmohet mbrojtja e Skenderit”, ka thënë avokati.
Ai ka shtuar se ka shumë arsye ka që vepra penale e vrasjes të ketë qenë pa dashje.
“Ata kanë qenë së bashku deri në ora 12:00. Ata kanë qenë babë e bir, raportet e tyre kanë qenë më të thella dhe shumë shokë. Kështu që nga këto arsye dhe arsye tjera do të shohim se nuk kemi të bëjmë me vrasje me dashje”, tha avokati Krasniqi.
