Sonda Tianwen-1 e Kinës kreu të hënën një manovër orbitale rreth Marsit pasi u bë anija e parë hapësinore kineze për të eksploruar një planet jashtëtokësor, njofton “Xinhua”.
Një motor 3000N u ndez për të siguruar se trajektorja e sondës kalon polet e Marsit. Periareioni, pika në orbitë që është më afër Marsit, u rregullua në 265 km, sipas Administratës Kombëtare të Hapësirës të Kinës (CNSA).
Anija kozmike do të kryejë disa rregullime të tjera orbitale për të hyrë në një orbitë parkimi, njoftoi CNSA.
Sonda, duke përfshirë një orbitë, një zbarkues dhe një trasportues, hyri me sukses në orbitën e Marsit më 10 shkurt pas një udhëtimi gati shtatëmujor nga Toka.
Zbarkuesi që mban transportuesin pritet të ulet në Mars në maj ose qershor. Inxhinierët dhe shkencëtarët kinezë të hapësirës kanë zgjedhur një rajon relativisht të rrafshët në pjesën jugore të Utopia Planitia, një fushë e madhe, si një zonë e mundshme uljeje. Transportuesi do të lirohet pas uljes për të kryer zbulime shkencore.
