dërsa numri i rasteve të reja me COVID në vend, rritet, mjekja e Infektivit, Esi, tha se në Spitalin Infektiv ka patur edhe pacientë shumë të rinj në moshë.
Në një intervistë dhënë për emisionin “Kjo javë”, ajo u shpreh se ka pasur edhe pacientë 20 a 21 vjeç, por që shumica e rasteve kanë përfunduar me trajtim në shtëpi.
Mjekja shtoi se ka patur edhe një rast fataliteti në moshë të re, ku një vajzë humbi jetën, por shtoi se e reja vuante nga komplikacione të tjera.
Mjekja: Në fillime kishte pacientë mbi 50 vjeç. Kemi pasur edhe pacientë 20 a 21 vjeç. Fatalitet kemi pasur një 20-vjeçare, por kishte probleme me shëndetin dhe ishte rast i rëndë. Kemi pasur mosha të reja, por shumica nuk kanë pasur fatalitete.
Ne si bluza të bardha përpiqemi maksimalisht për të bërë detyrën, ne bëjmë detyrën edhe jashtë orarit të punës, telefoni ynë nuk është i fikur asnjëherë. Edhe pse jam testuar, unë prapë mbaj maska, çdo gjë, ne bëjmë maksimalen për pacientin.
Kryeinfemermierja Suzana: Këtu bëhet punë shumë e madhe. Do doja që populli të vlerësojë punën tonë. Është e drejtë e çdokujt të flasë, ne punojmë me pastërti.
