Presidenti i Republikës së Shqipërisë, Ilir Meta vijon me thirrjen e fortë që ka kohë që e bën në shumicën e studiove televizive apo në postimet e tij.
Kreu i Shtetit e ka përsëritur sërish sot “prerken” e dorës për këdo që prek votën në 25 prill 2021. Mirëpo këtë herë e ka bërë “më të vështirë” këtë prerje dore, pasi tha se do të bëhet pa anestezi.
Meta: Kush prek voten do t’i pritet dora pa anestezi. Shqiptarët do shkojnë në mënyrë masive në 25 prill të votojnë. Presidenti do të marrë të gjitha masat, që të votojnë në mënyrë të lirë. Nuk mund të bëhet më shaka më fatin e Shqipërisë. Do ketë prerje dore pa ‘anestezi’ për të gjithë ata, që prekin votën.
